ບາງເຫດຜົນທີ່ປະຊາຊົນບໍ່ຢາກໃຊ້ບໍລິການລົດຂີ້ເຫຍື້ອ
- KEZ Solutions
- Jul 29, 2020
- 1 min read
Updated: Jul 30, 2020
ປະຈຸບັນບັນຫາຂີ້ເຫຍື້ອສະສົມຢູ່ຕາມສະຖານທີ່ຕ່າງໆຢູ່ໃນລາວ ແມ່ນຍັງຄົງເປັນອີກໜຶ່ງບັນຫາທີ່ລັດຖະບານກຳລັງແກ້ໄຂ. ໂດຍສາເຫດສ່ວນໃຫຍ່ກໍ່ເນື່ອງມາຈາກປະຊາຊົນສ່ວນໃຫຍ່ແມ່ນບໍ່ໃສ່ໃຈ ແລະບໍ່ມີການປຸກລະດົມຢ່າງຈິງຈັງຢ່າງທີ່ຄວນ ແລະເຮັດໃຫ້ນັກທ່ອງທ່ຽວສ່ວນໃຫຍ່ສົງໄສວ່າເປັນຫຍັງປະເທດລາວຄືມີຂີ້ເຫຍື້ອຊະຊາຍຢູ່ຕາມທາງ? ໄປທາງໃດກໍ່ຄືເຫັນແຕ່ຂີ້ເຫຍື້ອ?
ນອກຈາກທີ່ກ່າວມານີ້; ບາງເຫດຜົນຈາກປະຊາຊົນບາງເຂດທີ່ນຳເອົາຂີ້ເຫຍື້ອໄປຖິ້ມຢູ່ຕາມດິນເປົ່າຫວ່າງ ນັ້ນກໍ່ເພາະວ່າມີບັນຫາຫຍຸ້ງຍາກຫຼາຍກັບການໃຊ້ບໍລິການລົດຂີ້ເຫຍື້ອ. ດັ່ງເຫດຜົນດ້ານລຸ່ມນີ້:
ຄ່າບໍລິການມີລາຄາສູງເກີນໄປ ເຊັ່ນ: ເສື່ອເກົ່າ, ຕູ້ເກົ່າ ຫຼື ເຄື່ອງເຮືອນເກົ່າຕ່າງໆ ແມ່ນຕ້ອງຈ່າຍຄ່າບໍລິການພິເສດແບບເປັນຖ້ຽວ, ຕົກຖ້ຽວລະ 1,000,000 ກີບຂື້ນໄປ.
ລົດຂີ້ເຫຍື້ອບໍ່ຮັບຂີ້ເຫຍື້ອປະເພດ: ຕູ້ແກ້ວແຕກ, ໂຖສ້ວມ, ເສດເຄື່ອງກໍ່ສ້າງຕ່າງໆ.
ພະນັກງານເກັບຂີ້ເຫຍື້ອບາງຄົນບໍ່ຮັບເກັບບໍລິການແບບເປັນເດືອນ, ເກັບເງິນພ້ອມແລະໄລ່ເປັນຖົງ ຖ້າບໍ່ຈ່າຍຕາມຕ້ອງການແມ່ນຈະບໍ່ຮັບ.
ລົດຂີ້ເຫຍື້ອບາງຄັ້ງກໍ່ບໍ່ມາຕາມມື້ ຫຼື ຕາມປົກກະຕິ, ຖ້າເຈົ້າຂອງບ້ານບໍ່ຢູ່ ຫຼື ບໍ່ຈ່າຍໃນເວລານັ້ນ ແມ່ນຖືວ່າຜ່ານເລີຍ
ບາງເຂດ ຫຼື ບາງຮ່ອມແມ່ນນ້ອຍ ແລະເຮັດໃຫ້ຜູ້ທີ່ບໍ່ມີບ່ອນວາງຂີ້ເຫຍື້ອ ບໍ່ສາມາດໃຊ້ບໍລິການໄດ້.
ບັນຫາເຫຼົ່ານີ້ ແມ່ນເປັນບາງກໍລະນີທີ່ຍົກໃຫ້ເຫັນເລື່ອງຄວາມສາມັກຄີກັນລະຫວ່າງຜູ້ໃຫ້ບໍລິການແລະຜູ້ໃຊ້ບໍລິການ. ການຫຼຸດຜ່ອນບັນຫາເລື່ອງຂີ້ເຫຍື້ອນອກຈາກການນຳໃຊ້ບໍລິການລົດຂີ້ເຫຍື້ອແລ້ວ, ພວກເຮົາຄວນຊ່ວຍກັນຫຼີກລ່ຽງການນຳໃຊ້ຖົງຢາງປະລາສະຕິກ, ຖືຖົງຜ້າ ຫຼື ກະຕ່າເວລາອອກຕະຫຼາດ ແລະນຳໃຊ້ຜະລິດຕະພັນທີ່ສາມາດຍ່ອຍສະຫຼາຍໄດ້ງ່າຍ ຫຼື ເປັນມິດຕໍ່ສິ່ງແວດລ້ອມໃຫ້ຫຼາຍຂື້ນ, ທີ່ສຳຄັນແມ່ນຕ້ອງປູກຝັງຈິດສຳນຶກໃຫ້ແກ່ຄົນທີ່ຢູ່ອ້ອມຂ້າງແລະລູກຫຼານໃນການຖິ້ມຂີ້ເຫຍື້ອໃຫ້ເປັນລະບຽບ ເພື່ອຄວາມຈົບງາມແລະພາບພົດຂອງປະເທດ.
ເຂົ້າເບິ່ງສິນຄ້າລາວ: https://lo.kezlaos.com/kez-market
Comments