ຄວາມຮູ້ກ່ອນຕັດສິນໃຈເລືອກຊື້ປະກັນໄພ
- KEZ Solutions
- Jul 29, 2020
- 1 min read
Updated: Jul 31, 2020
ການຕັດສິນໃຈເຮັດປະກັນໄພປະເພດໃດກໍ່ຕາມ ສິ່ງທີ່ສຳຄັນກ່ອນອື່ນໝົດຄືການເລືອກວົງເງິນຄຸ້ມຄອງທີ່ເໝາະສົມກັບຕົວເຮົາ ແລະໃນປະຈຸບັນແມ່ນມີຫຼາຍຊ່ອງທາງໃຫ້ສຶກສາຂໍ້ມູນຂອງຜະລິດຕະພັນຈາກຫຼາຍບໍລິສັດ.
ປະກັນອຸປະຕິເຫດສຳລັບຮ່າງກາຍ ແລະປະກັນສຸຂະພາບ ທີ່ເຮົາຈະເລືອກຊື້ນັ້ນ ແມ່ນຄວນຄຳນຶງເຖິງປັດໃຈລຸ່ມນີ້:
ການເລືອກວົງເງິນທີ 1: ສ່ວນໃຫຍ່ແມ່ນເປັນພະນັກງານທີ່ມີວຽກປະຈຳ ຫຼື ບຸກຄົນທີ່ປະກອບອາຊີບທົ່ວໄປ ທີ່ມີລາຍຮັບປານກາງ.
ການເລືອກວົງເງິນທີ 2: ແມ່ນເໝາະກັບກຸ່ມຄົນທີ່ເຮັດວຽກວິຊາຊີບແບບກາງແຈ້ງ ເຊັ່ນ: ຊ່າງຮັບເໝົາ
ການເລືອກວົງເງິນທີ 3: ແມ່ນເໝາະກຸ່ມຄົນທີ່ເຮັດວຽກໃນອຸດສາຫະກຳການຜະລິດທີ່ໃຊ້ກົນຈັກໜັກ ເຊິ່ງໃຊ້ແຮງງານ ຫຼື ເຮັດວຽກໃນເຂດກົນຈັກເປັນປະຈຳ ເຊັ່ນ: ຫົວໜ້າຄຸມງງານ, ຜູ້ຈັດການໂຄງການ.
ການເລືອກວົງເງິນທີ 4: ແມ່ນເໝາະສຳລັບເຈົ້າຂອງກິດຈະການ ຫຼື ຜູ້ທີ່ມີລາຍຮັບສູງ, ບຸກຄົນທີ່ເຮັດອາຊີບກັບຄວາມສ່ຽງສູງເປັນຕົ້ນແມ່ນພວກທີ່ມີອາຊີບແບບໂລດໂຜນ.
ການຄຳນຶງເຖິງຄ່າທຳນຽມ ແລະ ວົງເງິນຄຸ້ມກັນ:
ທ່ານລອງປະເມີນຄວາມສ່ຽງຂອງຕົນເອງວ່າ ການເດີນທາງ, ການເຮັດວຽກ ຫຼື ການປະກອບອາຊີບຂອງເຮົາແມ່ນມີຄວາມສ່ຽງຢູ່ໃນລະດັບໃດ ແລະສາມາດເລືອກວົງເງິນໃຫ້ແກ່ຕົນເອງເທົ່າໃດ. ເຮົາຄວນເລືອກປະກັນໄພທີ່ໃຫ້ການຄຸ້ມຄອງສູງສຸດໃນດ້ານການປິ່ນປົວຮັກສາຢູ່ໂຮງໝໍ ແລະ ຜົນປະໂຫຍດໃນເວລາທີ່ພິການ ຫຼື ເສຍຊີວິດ, ເພື່ອບໍ່ໃຫ້ເປັນພາລະຕາມມາພາຍຫຼັງ.
ໂຮງໝໍແລະຄຼີນິກໃນເຄືອຂ່າຍ:
ແມ່ນເປັນສິ່ງທີ່ຕ້ອງໄດ້ສຶກສາກ່ອນການເຮັດປະກັນ ຄືຕ້ອງກວດເບິ່ງວ່າມີລາຍຊື່ໂຮງໝໍ ຫຼື ຄຼີນິກທີ່ຢູ່ໃນເຄືອຂ່າຍທີ່ເຮົາຕ້ອງການໃຊ້ບໍລິການເວລາເຈັບປ່ວຍ ແມ່ນມີຢູ່ໃນປະກັນທີ່ເຮົາຈະຊື້ບໍ່. ລອງນຶກພາບໄວ້ວ່າ ຖ້າເວລາເກີດເຫດໃຫ້ຕ້ອງໄປປິ່ນປົວຮັກສາຕົວຢ່າງກະທັນຫັນ ເຮົາຈະໄປບ່ອນທີ່ສະດວກ, ໃກ້ ແລະຮັກສາດີທີ່ສຸດ ແລະທີ່ສຳຄັນແມ່ນພຽງແຕ່ຍື່ນບັດປະກັນໄພໃນການຊຳລະຄ່າປິ່ນປົວໂດຍທີ່ບໍ່ຕ້ອງຈ່າຍ.
ການບໍລິການຫຼັງການຂາຍ:
ນອກຈາກວົງເງິນຄຸ້ມກັນແລະການບໍລິການຂອງໂຮງໝໍແລ້ວ ສິ່ງທີ່ຂາດບໍ່ໄດ້ໃນການຕັດສິນໃຈເຮັດປະກັນກັບບໍລິສັດໃດນຶ່ງ, ແມ່ນການບໍລິການຫຼັງການຂາຍ ທີ່ບໍລິສັດນັ້ນຕ້ອງມີທີມງານໃຫ້ຄຳປຶກສາແບບມືອາຊີບ, ບໍລິການດີ ແລະສາມາດຊ່ວຍແນະນຳໃຫ້ຂໍ້ມູນຕ່າງໆທີ່ເຮົາຍັງບໍ່ເຂົ້າໃຈ ເຊັ່ນ: ການເຂົ້າຮັກສາຕົວ, ເອກະສານສຳລັບຂໍສິນທົດແທນ, ແນະນຳບ່ອນບໍລິການສຸກເສີນເພື່ອຄວາມສະດວກທີ່ສຸດໃຫ້ແກ່ລູກຄ້າ. ທີ່ສຳຄັນທີ່ສຸດແມ່ນເລືອກບໍລິການກັບບໍລິສັດທີ່ມີສະພາບຄ່ອງທາງການເງິນສູງ, ຄວາມໜ້າເຊື່ອຖືຂອງພະນັກງານແລະຜູ້ບໍລິຫານ, ແລະເປັນບໍລິສັດທີ່ມີຄວາມໝັ້ນຄົງຖາວອນຢູ່ໃນປະເທດ.
ທີ່ນີ້ຂາຍປະກັນໄພ: https://lo.kezlaos.com/insurance
Kommentare