ສານກັນບູດໃນອາຫານ
- KEZ Solutions
- Jul 23, 2020
- 1 min read
Updated: Jul 25, 2020
ສານກັນບູດ (Benzoic Acid / benzene carboxylic / carboxylic acid)
ກົດສານກັນບູດແມ່ນມີຮູບຊົງເປັນເກັດສີຂາວ ແລະສ່ວນໃຫຍ່ແມ່ນໃຊ້ປະສົມກັບກົດຊໍບິກ ແລະ ກົດພາຣາເບນ ເພື່ອເຮັດເປັນສານກັນບູດ. ສານດັ່ງກ່າວ, ສ່ວນໃຫຍ່ເປັນທີ່ນິຍົມໃຊ້ໃນຂະແໜງການອຸດສາຫະກໍາ ເຊິ່ງເປັນສານທີ່ສາມາດພົບເຫັນໄດ້ໃນທຳມະຊາດ ເຊັ່ນ: ເຄື່ອງເທດ, ແອັບເປິ້ນ ແລະໝາກຮຸ່ງ.
ການນຳໃຊ້ສານກັນບູດໃນອາຫານມີຄື:
· ອາຫານປະເພດເນີຍທຽມ ແລະໄຂມັນແບບດຽວກັນ ໃຊ້ຄວາມເຂັ້ມຂຸ້ນປະມານ 1%
· ຜັກດອງແລະເຄື່ອງເທດ ໃຊ້ຄວາມເຂັ້ມຂຸ້ນປະມານ 0.1-0.15%
· ໄຂ່ແດງ ແລະໄຂ່ເຄັມ ໃຊ້ຄວາມເຂັ້ມຂຸ້ນປະມານ 0.1-0.5%
· ອາຫານປະເພດສຳເລັດຮູບ ປະເພດ ປາ ຫຼື ປູ ໃຊ້ຄວາມເຂັ້ມຂຸ້ນປະມານ 0.02-0.1%
· ນ້ຳໝາກໄມ້ໃຊ້ຄວາມເຂັ້ມຂຸ້ນປະມານ 0.1-0.15%
· ເຄື່ອງດື່ມທີ່ບໍ່ມີທາດເຫຼົ້າ ໃຊ້ຄວາມເຂັ້ມຂຸ້ນປະມານ 0.025-0.035%
· ແຍມ, ເຈລີ້, ເຂົ້າໜົມອົມ ແລະເຂົ້າໜົມຫວານ ໃຊ້ຄວາມເຂັ້ມຂຸ້ນປະມານ 0.1-0.2%
ກົດແລະເກັດສານກັນບູດ ອາດຈະຕ້ານເຊື້ອຈຸລິນຊີໄດ້ດີໃນສະພາວະເປັນກົດທີ່ຕ່ຳກວ່າ 4.5 .ດັ່ງນັ້ນ, ອາຫານທີ່ໃຊ້ກົດແລະເກັດສານກັນບູດ ທີ່ໃຊ້ຊ່ວຍຍືດອາຍຸການເກັບຈຶ່ງຄວນເປັນອາຫານທີ່ມີຄວາມເປັນກົດສູງ ເຊັ່ນ: ເຄື່ອງດື່ມຊະນິດຕ່າງໆ, ນ້ຳໝາກໄມ້, ແຍມ, ເຈລີ້, ຜັກດອງ, ໝາກໄມ້ດອງ, ນ້ຳສະຫຼຼັດ, ສະຫຼັດໝາກໄມ້ ແລະເນີຍທຽມ ເຫຼົ່ານີ້ເປັນຕົ້ນ. ປະລິມານທີ່ອານຸຍາດໃຫ້ໃຊ້ໄດ້ແມ່ນບໍ່ໃຫ້ເກີນ 100 ມິລີກຼາມ ຫຼື 1 ກິໂລກຼາມ.
ກົດສານກັນບູດຍັງສາມາດຢັບຢັ້ງການຈະເລີນເຕີບໂຕຂອງເຊື້ອຈຸລິນຊີໄດ້, ຈາກການແຊກຊຶມເຂົ້າໃນເຊວຈຸລິນຊີທີ່ຢັບຢັ້ງການສ້າງເອນໄຊມ໌ ແລະເຮັດໃຫ້ຈຸລິນຊີບໍ່ສາມາດຈະເລີນເຕີບໂຕຕໍ່ໄປໄດ້. ເຊິ່ງກົດດັ່ງກ່າວແມ່ນສາມາດເຮັດປະຕິກິລິຍາໃຫ້ແກ່ຢີດ ແລະແບັກທີເຣຍໄດ້ດີຫຼາຍ, ແຕ່ວ່າຈະມີຜົນໜ້ອຍສຳລັບເຊື້ອຣາຕ່າງໆ.
ກົດສານກັນບູດແມ່ນສາມາດລະເຫີຍກາຍເປັນອາຍໄດ້ເມື່ອເວລາຖືກຄວາມຮ້ອນ, ຖ້າຫາກຖືກຕາ ຫຼື ສູດດົມ ແມ່ນຈະເຮັດໃຫ້ເກີດມີອາການລະຄາຍເຄືອງ, ມີອາການແສບຕາ, ຫາຍໃຈຝືດ. ສ່ວນການຮັບປະທານກົດສານກັນບູດໃນປະລິມານຫຼາຍ ຈະເຮັດໃຫ້ເກີດອາການປວດທ້ອງ, ເຈັບທ້ອງ, ຄື່ນໃສ້ ແລະອາຈຽນ. ນອກຈາກນັ້ນ, ແມ່ນຍັງເຮັດໃຫ້ປະສິດທິພາບການເຮັດວຽກຂອງຕັບແລະໄຕຫຼຸດລົງ ຫຼືອາດພິການໄດ້.
ເຖິງຢ່າງໃດກໍ່ຕາມ, ກົດສານກັນບູດບໍ່ມີການສະສົມໃນຮ່າງກາຍ ເພາະເນື່ອງຈາກວ່າຮ່າງກາຍສາມາດກຳຈັດອອກໄດ້ດີຈາກຂະບວນການກຳຈັດຂອງຮ່າງກາຍ ແລະສາມາດຂັບອອກຈາກລະບົບຂັບຖ່າຍໄດ້.
ປະລິມານ: 1 ກິໂລກຼາມ
ລາຄາ: 91,000 ກີບ
Comments