Alpha Arbutin (ອັລຟາ ອາບູຕິນ) ທີ່ຢູ່ໃນເຄື່ອງສຳສຳອາງປະເພດປົວຝ້າ
- KEZ Solutions
- Jul 26, 2020
- 1 min read
Updated: Jul 31, 2020
ສານສະກັດ: ອັລຟາ ອາບູຕິນ (Alpha Arbutin)
ອັລຟາ ອາບູຕິນ ຄືສານສະກັດຈາກ Bearberry ທີ່ຈະເລີນເຕີບໂຕໃນແຖບຊີກໂລກເໜືອ, ສາມາດພົບເຫັນໄດ້ຫຼາຍຢູ່ແຖບລັດວິດຄອນຊິນ ແລະ ນິວເຈີຊີ ໃນປະເທດສະຫະລັດອາເມລິກາ ແລະບາງເຂດໃນປະເທດແຄນາດາ ທີ່ເປັນອະນຸພັນຂອງສານຈຳພວກ Hydroquinone ທີ່ໃຫ້ຜົນດີທີ່ສຸດສຳລັບການຫຼຸດຄວາມໝອງຄ້ຳ, ຫຼຸດຜ່ອນຈຸດດ່າງດຳຂອງຝ້າ-ກະເທິງໃບໜ້າ, ສ່ວນໃຫຍ່ແມ່ນເຫັນຢູ່ໃນຜະລິດຕະພັນພວກ Whitening. ເນື່ອງຈາກວ່າມີສັບພະຄຸນເໜືອກວ່າ Whitening ຊະນິດອື່ນໆ ຈຶ່ງເຮັດໃຫ້ Alpha-Arbutin ມີລາຄາສູງກວ່າ.
ອາບູຕິນ ແມ່ນມີຊື່ທາງວິທະຍາສາດວ່າ Hydroquinone-a-D-glucoside ທີ່ເຮັດໜ້າທີ່ເປັນຕົວກະຕຸ້ນເຊວຜິວໃຫ້ຢັບຢັ້ງການຜະລິດຂອງເມລານິນທີ່ເປັນຕົວການເຮັດໃຫ້ຜິວໝອງຄ້ຳ ແລະເຮັດໃຫ້ຮອຍດ່າງດຳຊັດເຈນຂື້ນ. ຍົກຕົວຢ່າງ ເປືອກໝາກກ້ວຍ ຫຼື ເປືອກໝາກມ່ວງທີ່ປະໄວ້ດົນດຳຂື້ນ ກໍ່ເພາະວ່າເກີດການສ້າງເມລານິນທັນທີນັ້ນເອງ ເຊັ່ນດຽວກັນກັບຜິວຂອງຄົນເຮົາກໍ່ມີບວນການສ້າງເມັດສີຜິວແບບດຽວກັນ, ແຕ່ວ່າໃນພືດແມ່ນສາມາດເກີດປະຕິກິລິຍາໄດ້ໄວກວ່ານັ້ນເອງ.
ໃນທາງການແພດໄດ້ຈັດໃຫ້ອາບູຕິນເປັນຕົວເລືອກໃນການເຮັດໃຫ້ຜິວຂາວກະຈ່າງໃສໄດ້ດີ ແລະປອດໄພຫຼາຍທີ່ສຸດ.
ອາບູຕິນແມ່ນສານສະກັດຈາກທຳມະຊາດ 100% ໂດຍສາມາດເຮັດມາຈາກໝາກ, ເປືອກ, ໃບ ແລະສ່ວນຕ່າງໆຂອງພືດຫຼາຍຊະນິດ ເຊິ່ງພືດເຫຼົ່ານີ້ສ່ວນໃຫຍ່ແມ່ນສາມາດພົບເຫັນໃນເມືອງໜາວ ເຊັ່ນ: Bearberry, Blueberry, Cranberry, Mulberry, ໝາກໄມ້ສົດຂອງລັດແຄລິຟໍເນຍ ຄື Bukeye ແລະ Aesculus California, ບາງແຫຼ່ງຂໍ້ມູນຍັງບອກວ່າ ອາບູຕິນສາມາດສະກັດໄດ້ຈາກ ພືດຊະນິດຕ່າງໆໃນປະເທດແຄນາດາ ເຊັ່ນ: Dockweed. ແຕ່ວ່າແຫຼ່ງທີ່ສາມາດຜະລິດອະບູຕິນທີ່ມີຄຸນນະພາບສ່ວນໃຫຍ່ແມ່ນມາຈາກປະເທດເມືອງໜາວ ເຊັ່ນ: ຢູໂຣບ, ອາເມລິກາຕອນເໜືອ ຫຼື ແຄນາດາ ແລະຜູ້ຊ່ຽວຊານສ່ວນໃຫຍ່ກ່າວວ່າ ແຫຼ່ງທີ່ດີທີ່ສຸດແມ່ນຢູ່ໃນປະເທດສະວິດເຊີແລນ.
ປະໂຫຍດຂອງ ອັລຟາ ອະບູຕິນ:
ເຮັດໜ້າທີ່ເປັນຕົວກະຕຸ້ນເຊວຜິວໃນການຢັບຢັ້ງການຜະລິດເມລານິນ ທີ່ຈະເປັນຕົວການເຮັດໃຫ້ສີຜິວໝອງຄ້ຳ ຫຼືດຳຂື້ນ ແລະຮອຍຈຸດດ່າງດຳຊັດເຈນຂື້ນ. ອັລຟາ ອາບູຕິນແມ່ນຖືກນຳໄປໃຊ້ເປັນສ່ວນປະກອບຂອງເຄື່ອງສຳອາງ ທີ່ຊ່ວຍໃຫ້ຜິວກະຈ່າງໃສ, ດີກວ່າສານຕົວອື່ນໆຫຼາຍ, ມີຄວາມປອດໄພໃນການໃຊ້ຕໍ່ຜິວໜັງ ແລະບໍ່ສົ່ງຜົນກະທົບໃນການຜັດປ່ຽນເຊວຜິວ ແລະເປັນສານສະກັດທີ່ມີຜົນດີຕໍ່ສຸຂະພາບຜິວໄດ້ດີຫຼາຍ.
ຂໍ້ດີຂອງອັລຟາ ອາບູຕິນ: - ຊ່ວຍໃຫ້ຂາວກະຈ່າງໃສ ໄດ້ຢ່າງມີປະສິດທິພາບ ແລະເຫັນຜົນໄດ້ໄວ
- ບໍ່ສົ່ງຜົນເສຍໃນເລື່ອງຂອງການເຮັດໃຫ້ຜິວບາງ ໂດຍຕ່າງກັບກົດຫຼືສານເຮັດໃຫ້ຜິວຂາວຊະນິດອື່ນໆ.
ຂໍ້ເສຍຂອງ ອັລຟາ ອາບູຕິນ: - ຖ້າໃສ່ເປັນສ່ວນປະສົມໃນເຄື່ອງສຳອາງ ທີ່ຢູ່ໃນປະລິມານຫຼາຍເກີນໄປ ແມ່ນອາດເກີດຜົນກະທົບໃນໄລຍະຍາວ - ຊອກຊື້ຍາກ, ຕົ້ນທຶນສູງ ແລະເຮັດໃຫ້ເຄື່ອງສຳອາງມີລາຄາສູງຂື້ນ.
ຈາກຂໍ້ມູນທີ່ກ່າວມາທັງໝົດແມ່ນເຫັນວ່າ ອາບູຕິນເປັນສານສະກັດທີ່ເຕັມໄປດ້ວຍປະໂຫຍດ ແລະມີຜົນດີຕໍ່ສະພາບຜິວຂອງເຮົາໄດ້ຢ່າງແທ້ຈິງ. ໂດຍສະເພາະຫາກເປັນອັລຟາ ອະບູຕິນ ແມ່ນຍິ່ງເປັນການດີຕໍ່ການບຳລຸງຮັກສາຜິວໃຫ້ມີຄຸນນະພາບດີຂື້ນໄປອີກ ແລະຍັງສາມາດເຫັນຜົນໄດ້ໄວທັນໃຈອີກດ້ວຍ. ເຖິງຢ່າງໃດກໍ່ຕາມ; ຫາກເຄື່ອງສຳອາງທີ່ໃຊ້ອາບູຕິນຫຼາຍເກີນໄປແມ່ນອາດເຮັດໃຫ້ໄດ້ຮັບຂ້າງຄຽງໃນໄລຍະຍາວໄດ້. ດັ່ງນັ້ນ, ນອກຈາກຈະຕ້ອງສັງເກດວ່າເຄື່ອງສຳອາງທີ່ໃຊ້ມີອາບູຕິນ ຫຼືບໍ່ມີ ແມ່ນຍັງຕ້ອງໄດ້ສຶກສາເບິ່ງວ່າປະລິມານທີ່ມີຢູ່ໃນເຄື່ອງສຳອາງນັ້ນແມ່ນເໝາະສົມ (ບໍ່ໜ້ອຍຫຼືຫຼາຍເກີນໄປ) ແລະໃຫ້ເໝາະກັບງົບປະມານທີ່ຄຸ້ມຄ່າ.
ເພາະສະນັ້ນ, ພວກເຮົາຕ້ອງໄດ້ລົງທຶນຊື້ ແລະເລືອກເຄື່ອງສຳອາງທີ່ມີຄຸນນະພາບດີໃນການເບິ່ງແຍງຜິວໜ້າໃຫ້ກະຈ່າງໃສ ເພາະຖ້າຫາກບໍ່ລະວັງ ຫຼື ໃຊ້ເຄື່ອງສຳອາງທີ່ບໍ່ມີຄຸນນະພາບ, ນອກຈາກບໍ່ໄດ້ຜົນດີແລ້ວ ແມ່ນຍັງເຮັດໃຫ້ໜ້າພັງຂື້ນກວ່າເກົ່າອີກດ້ວຍ.
ປະລິມານ: 100 ກຼາມ
ລາຄາ: 205,000 ກີບ (ຈີນ)
ລາຄາ: 1,490,000 ກີບ (ແຄນາດາ)
Comments