ສັບພະຄຸນຂອງອະໂວຄາໂດ
- KEZ Solutions
- Jul 25, 2020
- 1 min read
Updated: Jul 31, 2020
ອະໂວຄາໂດເປັນໝາກໄມ້ທີ່ໄດ້ຮັບຄວາມນິຍົມຢ່າງຫຼວງຫຼາຍໃນແຖບທະວີບອາເມລິກາແລະຢູໂຣບ ເນື່ອງຈາກວ່າອະໂວຄາໂດນັ້ນມີຄຸນຄ່າທາງສານອາຫານທີ່ເປັນປະໂຫຍດຕໍ່ຮ່າງກາຍຫຼາຍ. ໝາກອະໂວຄາໂດຈະມີສີຂຽວ ແລະເມື່ອເວລາສຸກຈະມີສີເຂັ້ມຂື້ນ, ດ້ານໃນຈະມີສີຂຽວ, ມີຣົດຊາດຄ້າຍກັບເນີຍ, ມີເມັດສີນ້ຳຕານຢູ່ບໍລິເວນກາງຂອງໝາກ. ນອກຈາກການຮັບປະທານໝາກອະໂວຄາໂດແລ້ວ ຍັງສາມາດນຳມາສະກັດເຢັນເພື່ອໃຫ້ໄດ້ນ້ຳມັນອອກມາໃຊ້ປະໂຫຍດທາງດ້ານຄວາມງາມໄດ້ອີກ.
ນ້ຳມັນອະໂວຄາໂດແມ່ນສາມາດດູດຊືມເຂົ້າສູ່ຜິວໄດ້ດີທີ່ສຸດເມື່ອທຽບກັບນ້ຳມັນສະກັດທຳມະຊາດຊະນິດອື່ນໆ ເຊັ່ນ ນ້ຳມັນໝາກກອກ ແລະຍັງອຸດົມໄປດ້ວຍວິຕາມິນເອ, ວິຕາມິນດີ, ວິຕາມິນອີ, ເລຊິຕິນ ແລະກົດໄຂມັນທີ່ຈຳເປັນ ເຊັ່ນ: ກົດລິໂນເລອິກ, ກົດໂອເລອິກ ແລະ ໄຟໂຕສເຕີຣໍ ເຊິ່ງມີສັບພະຄຸນໃນການຕ້ານອະນຸມູນອິດສະຫຼະຊ່ວຍຊະລໍການເກີດຣິ້ວຮອຍ ແລະສາມາດບຳລຸງຜິດໃຫ້ຊຸ່ມຊື່ນ.
ປະໂຫຍດຂອງນ້ຳມັນອະໂວຄາໂດໃນການເບິ່ງແຍງຮັກສາຜິວພັນ
· ຊ່ວຍໃນການລົບເລືອນຣິ້ວຮອຍ ແລະກະຕຸ້ນການສ້າງຄໍລາເຈນ
· ຊ່ວຍປົກປ້ອງຜິວຈາກລັງສີ UV ແລະຊ່ວຍຟື້ນຟູຜິວຄ້ຳເສຍທີ່ເກີດຈາກແດດ
· ຊ່ວຍຫຼຸດຮອຍແຜເປັນໃຫ້ຈາງລົງ
· ໃຫ້ຄວາມຊຸ່ມຊື່ນແກ່ຜິວ, ຟື້ນຟູຜິວທີ່ແຫ້ງກ້ານ ໃຫ້ກັບມາຊຸ່ມຊື່ນ
· ເຮັດໃຫ້ຜິວພັນກະຈ່າງໃສ ແລະຮຽບນຽນຢ່າງເປັນທຳມະຊາດ
· ຊ່ວຍຫຼຸດຈຸດດ່າງດຳຕ່າງໆ ເຊັ່ນ: ຝ້າ-ກະ
· ສາມາດໃຊ້ເຊັດລ້າງທຳຄວາມສະອາດໃບໜ້າ ລວມໄປເຖິງໃຊ້ເຮັດຄວາມສະອາດເຄື່ອງສຳອາງ
· ຊ່ວຍຫຼຸດການອັກເສບຂອງຜິວໜັງ ແລະບັນເທົາອາການຜື່ນຄັນ
· ໃຊ້ໃນການໝັກບຳລຸງຜົມ ເພື່ອໃຫ້ຜົມນຸ້ມ ແລະເງົາງາມ
· ໃຊ້ນວດສີສະເພື່ອຊ່ວຍກະຕຸ້ນການງອກຂອງເສັ້ນຜົມ
ນ້ຳມັນອະໂວຄາໂດສາມາດໃຊ້ໄດ້ທົ່ວຮ່າງກາຍ ທັງຜິວໜ້າ, ຜິວກາຍ ແລະບຳລຸງເສັ້ນຜົມ ໂດຍນຳມາທາທີ່ຜິວໄດ້ໂດຍຕົງ ຫຼືສາມາດປະສົມກັບເຄື່ອງສຳອາງທີ່ມີຢູ່ ເຊັ່ນ: ປະສົມກັບໂລຊັນໃຊ້ທາບຳລຸງຜິວ ຫຼືຈະປະສົມກັບນ້ຳມັນຫອມລະເຫີຍ ໃນອັດຕາສ່ວນ 1:1 ເພື່ອນວດຜ່ອນຄາຍ.
ນອກຈາກນີ້; ນ້ຳມັນອະໂວຄາໂດຍັງຈັດເປັນນ້ຳມັນຕົວນຳພາ ທີ່ມີຄວາມສຳຄັນໃນການນຳເອົາສານອື່ນໆເຂົ້າສູ່ຜິວ ແລະຫາກນຳມາປະສົມກັບນ້ຳມັນຫອມລະເຫີຍ ແມ່ນຈະຊ່ວຍນຳຄຸນປະໂຫຍດຈາກນ້ຳມັນຫອມລະເຫີຍໃຫ້ຊຶມເຂົ້າສູ່ຜິວໄດ້ງ່າຍ ແລະບໍ່ລະຄາຍເຄືອງ.
ສັບພະຄຸນຂອງນ້ຳມັນອະໂວຄາໂດແມ່ນອຸດົມໄປດ້ວຍວິຕາມິນ A, D, E ເຊິ່ງເປັນສານຕ້ານອະນຸມູນອິດສະຫຼະ ແລະຍັງມີໂປຼຕີນເລຊິຕິນ, ເບຕ້າແຄໂຣທີນ ແລະກົດໄຂມັນທີ່ບໍ່ອິ່ມໂຕທີ່ຈຳເປັນ, ເໝາະສຳລັບທຸກຜິວ ໂດຍສະເພາະຜິວແຫ້ງ ແລະຜິວທີ່ຂາດຄວາມຢືດຢຸ່ນ, ໃຫ້ຄວາມຊຸ່ມຊື່ນຫຼາຍ, ຊ່ວຍບັນເທົາໂຣກຜິວໜັງ, ຜິວທີ່ແກ່ກ່ອນໄວ, ຫຼຸດຈຸດດ່າງດຳ, ຮອຍແຜເປັນ, ຊ່ວຍໃຫ້ຜິວຊຸ່ມຊື່ນ, ຟື້ນຟູສະພາບຜິວ ແລະສາມາດເພີ່ມຄໍລາເຈນໃຫ້ກັບຜິວອີກດ້ວຍ.
ການນຳໃຊ້ນ້ຳມັນອະໂວຄາໂດທີ່ປະສົມກັບນ້ຳມັນຫອມລະເຫີຍເພື່ອເຮັດນ້ຳມັນນວດ, ອັດຕາສ່ວນຂອງນ້ຳມັນອະໂວຄາໂດ 1 ບ່ວງນ້ອຍ ຕໍ້ນ້ຳມັນຫອມລະເຫີຍ 1 ຢົດ, ເໝາະກັບຮ້ານສະປາ ເພື່ອເຮັດການບຳລຸງຮັກສາຜິວ, ສ່ວນໃຫຍ່ເປັນສ່ວນປະສົມໃນສະບູ, ໂລຊັນທາຜິວ ຫຼື ເປັນສ່ວນປະສົມເຄື່ອງສຳອາງຕ່າງໆ ແລະຍັງໃຊ້ໝັກຜົມອີກດ້ວຍ.
ສິນຄ້າ: ນ້ຳມັນອະໂວຄາໂດ
ປະລິມານ: 1 ກິໂລກຼາມ
ລາຄາ: 553,000 ກີບ
Comments