ສັບພະຄຸນຂອງນ້ຳມັນໝາກພ້າວສະກັດເຢັນ (Cold pressed coconut oil)
- KEZ Solutions
- Jul 25, 2020
- 1 min read
Updated: Jul 31, 2020
ນ້ຳມັນໝາກພ້າວສະກັດເຢັນ (Cold Pressed Coconut Oil)
ນ້ຳມັນໝາກພ້າວປະກອບດ້ວຍກົດໄຂມັນອິ່ມຕົວ 92% ເວລາທີ່ຮ່າງກາຍໄດ້ຮັບໄຂມັນແລະຜ່ານການຍ່ອຍສະຫຼາຍ ແມ່ນຈະໄດ້ຮັບສານອາຫານທີ່ເອີ້ນວ່າ ກົດໄຂມັນຊະນິດອິ່ມຕົວ ທີ່ໝາຍເຖິງກົດໄຂມັນທີ່ມີໂຄງສ້າງທາງເຄມີອິ່ມຕົວແລ້ວຈຶ່ງບໍ່ເຫຼືອບ່ອນຫວ່າງໃຫ້ຈັບກັບອົກຊີເຈນ ແລະບໍ່ກໍ່ໃຫ້ເກີດອະນຸມູນອິດສະຫຼະໃນຮ່າງກາຍ.
ນ້ຳມັນໝາກພ້າວເປັນກົດໄຂມັນຂະໜາດກາງທີ່ຮ່າງກາຍສາມາດຍ່ອຍໄດ້ງ່າຍ ແລະປ່ຽນເປັນພະລັງງານໄດ້ທັນທີ. ນ້ຳມັນໝາກພ້າວສະກັດເຢັນເປັນຂະບວນການທີ່ບໍ່ໃຊ້ສານເຄມີ ຈຶ່ງມີຄຸນຄ່າທາງອາຫານຄົບຖ້ວນ, ບໍ່ສູນເສຍຄຸນຄ່າໃນການແປຮູບ ເພາະສະນັ້ນຈຶ່ງບໍລິໂພກໄດ້ຢ່າງປອດໄພ ແລະມີປະໂຫຍດຕໍ່ຮ່າງກາຍ.
ສັບພະຄຸນຫຼັກຂອງນ້ຳມັນໝາກພ້າວ:
ກິນແລ້ວບໍ່ຕຸ້ຍ: ນ້ຳມັນໝາກພ້າວໃຫ້ພະລັງງານໜ້ອຍກວ່ານ້ຳມັນຊະນິດອື່ນ 8.6 ກິໂລແຄລໍລີ ຕໍ່ກຼາມ, ເຊິ່ງນ້ຳມັນຊະນິດອື່ນໃຫ້ພະລັງງານເຖິງ 9 ກິໂລແຄລໍລີ ຕໍ່ກຼາມ, ມີກົດໄຂມັນອິ່ມຕົວທີ່ບໍ່ເຮັດໃຫ້ເກີດສານອະນຸມູນອິດສະຫຼະ ແລະໄຂມັນທຣານ. ນ້ຳມັນໝາກພ້າວຊ່ວຍເພີ່ມອັດຕາເມຕາບໍລິ ຊຶມດົນຮອດ 24 ຊົ່ວໂມງ, ເຮັດໃຫ້ອາຫານຫຼືປະລິມານແຄລໍລີຖືກນຳໄປເຜົາຜານຫຼາຍຂື້ນ ແລະບໍ່ເຫຼືອເປັນແຄລໍລີສ່ວນເກີນທີ່ສະສົມເປັນໄຂມັນສ່ວນເກີນ.
ກະຕຸ້ນການຂັບຖ່າຍ: ນ້ຳມັນໝາກພ້າວມີກົດໄຂມັນອິ່ມຕົວປານກາງ ແລະມີສັບພະຄຸນຊ່ວຍເພີ່ມປະສິດທິພາບການເຮັດວຽກຂອງລຳໃສ້ໃຫຍ່ທີ່ຊ່ວຍກະຕຸ້ນການຂັບຖ່າຍ. ສຳລັບຄົນທີ່ກິນນ້ຳມັນໝາກພ້າວໃນໄລຍະແລກອາດມີອາການຖອກທ້ອງ ແມ່ນຖືວ່າເປັນເລື່ອງປົກກະຕິ, ແຕ່ຖ້າຫາກວ່າກິນໄປໄດ້ໄລຍະນຶ່ງແລ້ວຍັງຖອກທ້ອງຢູ່ ແມ່ນຄວນຢຸດກິນ ເພາະວ່ານ້ຳມັນໝາກພ້າວອາດບໍ່ເໝາະສົມກັບທາດໃນຮ່າງກາຍ.
ບຳລຸງກຳລັງ: ນ້ຳມັນໝາກພ້າວແມ່ນກິນແລ້ວຍ່ອຍງ່າຍ, ຮ່າງກາຍດູດຊຶມໄປໃຊ້ໃນຂະບວນການເຜົາຜານໄດ້ທັນທີ ແລະເວລາກິນແລ້ວແມ່ນອິ່ມດົນ ເຮັດໃຫ້ຮ່າງກາຍມີພະລັງງານເພີ່ມຂື້ນໂດຍທຳມະຊາດ, ບໍ່ເຮັດໃຫ້ເກີດຜົນຂ້າງຄຽງໃດໆ. ເພາະສະນັ້ນ; ນ້ຳມັນໝາກພ້າວຈຶ່ງຖືກນຳໄປບຳລຸງກຳລັງໃຫ້ແກ່ນັກກິລາ ໃນຮູບແບບຊົງດື່ມ ແລະແບບແທ່ງ ລວມທັງເປັນອາຫານເສີມສຳລັບຜູ້ສູງອາຍຸອີກດ້ວຍ.
ຊ່ວຍຫຼຸດຄວາມສ່ຽງເປັນໂຣກກຸ່ມເສື່ອມ: ນ້ຳມັນໝາກພ້າວມີສັບພະຄຸນຊ່ວຍຫຼຸດຄໍເລສໂຕຼລໍແບບແຫຼວ (LDL) ແລະຊ່ວຍເພີ່ມຄໍເລສໂຕຼລໍຊະນິດດີ (HDL) ເຊິ່ງຊ່ວຍຫຼຸດຄວາມສ່ຽງເປັນໂຣກກຸ່ມເສື່ອມຕ່າງໆ ເຊັ່ນ: ໂຣກເບົາຫວານ, ຄວາມດັນເລືອດສູງ, ໂຣກຕຸ້ຍ, ໂຣກຫົວໃຈ, ໂຣກຕັບ ແລະໂຣກໄຕ.
ບຳລຸງກະດູກ: ສານອາຫານໃນນ້ຳມັນໝາກພ້າວແມ່ນອຸດົມໄປດ້ວຍແຮ່ທາດທີ່ຈຳເປັນຕໍ່ຄວາມແຂງແຮງຂອງກະດູກ ໄດ້ແກ່ ແຄຊຽມ ແລະແມັກນິຊຽມ ໃນການຊ່ວຍເສີມສ້າງມູນກະດູກບໍ່ໃຫ້ຜ່ອຍ ຫຼື ແຕກຫັກງ່າຍ.
ບຳລຸງການຖືພາ: ນ້ຳມັນໝາກພ້າວຖືວ່າເປັນສານອາຫານທີ່ດີຕໍ່ແມ່ແລະລູກໃນທ້ອງ. ໂດຍສະເພາະແມ່ນຖ້າຫາກວ່າ ແມ່ຖືພາທີ່ກິນນ້ຳມັນໝາກພ້າວ ແມ່ນຊ່ວຍໃຫ້ເດັກນ້ອຍທີ່ຢູ່ໃນທ້ອງມີພູມຄຸ້ມກັນທີ່ດີ ແລະເປັນການເພີ່ມຄຸນຄ່າຂອງນ້ຳນົມແມ່ອີກດ້ວຍ. ນ້ຳມັນໝາກພ້າວແມ່ນອຸດົມໄປດ້ວຍກົດລໍຣິກ ເປັນເປັນກົດໄຂມັນທີ່ພົບໄດ້ໃນນ້ຳນົມແມ່ ແລະຍັງມີແຮ່ທາດແຄຼຊຽມ ແລະແມັກນິຊຽມ ທີ່ຈະຊ່ວຍເສີມສ້າງກະດູກ ແລະແຂ້ວໃຫ້ແຂງແຮງ ລວມທັງປ້ອງກັນພາວະກະດູກຜ່ອຍ ຫຼືການສູນເສຍແຄຼຊຽມຂອງແມ່ໃນຊ່ວງຖືພາ
ຊ່ວຍໃຫ້ການນອນຫຼັບດີຂື້ນ: ໃນນ້ຳມັນໝາກພ້າວທີ່ອຸດົມໄປດ້ວຍກົດລໍຣິກ, ກົດຄາປຣິກ ແລະກົດຄາປິລິກ ທີ່ມີສັບພະຄຸນຊ່ວຍໃນການຜ່ອນຄາຍ, ການບໍລິໂພກນ້ຳມັນໝາກພ້າວຕິດຕໍ່ກັນທຸກວັນໃນປະລິມານພຽງເລັກນ້ອຍ ແມ່ນຈະຊ່ວຍໃຫ້ຫຼັບສະໜິດຂື້ນ ແລະຍັງຊ່ວຍບັນເທົາອາການອ່ອນເພຍເລື້ອລັງ, ຊ່ວຍຫຼຸດຄວາມຄຽດ ແລະອາການອ່ອນເພຍໄດ້.
ຫຼຸດອາການອັກເສບແລະຕິດເຊື້ອ: ນ້ຳມັນໝາກພ້າວສາມາດຊ່ວຍບັນເທົາອາການເຈັບປ່ວຍຕ່າງໆ ທີ່ເກີດຈາກການຕິດເຊື້ອໄດ້ ເພາະວ່າກົດລໍຣິກໃນນ້ຳມັນໝາກພ້າວແມ່ນຈະຖືກປ່ຽນເປັນສານມໍໂນລໍຣິນ ທີ່ມີສັບພະຄຸນໃນການສ້າງພູມຄຸ້ມກັນ ແລະສາມາດຂ້າເຊື້ອແບັກທີເຣຍ ເຊິ່ງເປັນຢາຕ້ານເຊື້ອ ແລະເປັນຢາທຳມະຊາດ ທີ່ຊ່ວຍບັນເທົາອາການເຈັບປ່ວຍຈາກການຕິດເຊື້ອຕ່າງໆ ເຊັ່ນ: ເຊື້ອໄຂ້ຫວັດໃຫຍ່, ເຣີມ, ຄາງທູມ, ເຈັບຄໍ ເຫຼົ່ານີ້ເປັນຕົ້ນ.
ບຳລຸງສຸຂະພາບໃນຊ່ອງປາກ: ນ້ຳມັນໝາກພ້າວແມ່ນມີສັບພະຄຸນທີ່ຫຼຸດການສະສົມຂອງແບັກທີເຣຍໃນຊ່ອງປາກ ທີ່ເປັນສາເຫດເຮັດໃຫ້ເກີດຄາບທີ່ຈະນຳໄປສູ່ບັນຫາຕ່າງໆພາຍໃນຊ່ອງປາກ ເຊັ່ນ: ເຫງືອກອັກເສບ, ເຫງືອກຊ້ຳ, ບວມ, ແດງ ຫຼືເລືອດອອກຕາມເຟັນແຂ້ວ ລວມເຖິງການຕິດເຊື້ອບໍລິເວນລຳຄໍ ຄືເອົານ້ຳມັນໝາກພ້າວອົມບ້ວນປາກ ເທື່ອລະ 1-2 ບ່ວງແກງ ວັນລະ 1 ຄັ້ງ.
ຊ່ວຍຫຼຸດຄວາມສ່ຽງໂຣກມະເລັງ: ນ້ຳມັນໝາກພ້າວມີກົດໄຂມັນອິ່ມຕົວສູງຮອດຮ້ອຍລະ 92 ທີ່ຊ່ວຍເສີມສ້າງພູມຄຸ້ມກັນໃຫ້ຮ່າງກາຍ ແລະຍັງມີວິຕາມິນໃບໂອ ທີ່ມີສັບພະຄຸນເປັນສານຕ້ານອະນຸມູນອິດສະຫຼະ ທີ່ຊ່ວຍຫຼຸດຄວາມສ່ຽງເປັນໂຣກມະເລັງ ເຊັ່ນ: ມະເລັງລຳໃສ້, ມະເລັງເຕົ້ານົມ, ມະເລັງຕັບ ແລະມະເລັງຜິວໜັງ.
ນອກຈາກນ້ຳມັນໝາກພ້າວຈະສາມາດບຳບັດຮັກສາອາການເຈັບປ່ວຍ, ເສີມສ້າງສຸຂະພາບຮ່າງກາຍ ແລະເສີມຄວາມງາມ, ນ້ຳມັນໝາກພ້າວຍັງສາມາດຮັກສາໂຣກຕ່າງໆໄດ້ອີກດ້ວຍ.
ປະໂຫຍດຂອງການກິນນ້ຳມັນໝາກພ້າວສະກັດເຢັນເປັນປະຈຳ ແມ່ນມີດັ່ງນີ້:
1. ຊ່ວຍຫຼຸດຄໍເລດເຕີຣໍ ທີ່ເຮັດໃຫ້ຫົວໃຈແຂງແຮງ, ປ້ອງກັນໂຣກຫົວໃຈ, ຄວາມດັນ, ເບົາຫວານ ແລະມະເຮັງ
2. ຊ່ວຍເລັ່ງການເຜົາຜານ ແລະປ້ອງກັນການສະສົມໄຂມັນ
3. ຊ່ວຍຫຼຸດນ້ຳໜັກສຳລັບຄົນອ້ວນ ແລະເພີ່ມກຳລັງວັງຊາໃຫ້ກັບຜູ້ທີ່ຈ່ອຍແຫ້ງ, ອ່ອນເພຍ ແລະເພີ່ມແຮງໃຫ້ແກ່ນັກກິລາ.
4. ບໍ່ປ່ຽນເປັນໄຂມັນທຣານ ໃນເວລາຖືກຄວາມຮ້ອນຈຶ່ງກໍ່ໃຫ້ເກີດສານກໍ່ມະເຮັງ, ປອດໄພສຳລັບການເອົາມາທອດອາຫານໄດ້ຫຼາຍຄັ້ງ.
5. ມີສານໂມໂນໂລຣິນ ເຊິ່ງເປັນຢາຕ້ານເຊື້ອທີ່ເຮັດໃຫ້ທຳລາຍເຊື້ອໂຣກໄດ້ຫຼາຍຊະນິດ ເຊັ່ນ: ເຊື້ອຣາ ແລະເຊື້ອແບັກທີເຣຍ, ເຊື້ອໄວຣັດແລະພະຍາດໄດ້ດີກວ່າຢາຕ້ານເຊື້ອທີ່ໃຊ້ກັນຢູ່ປະຈຸບັນ.
6. ຊ່ວຍຍ່ອຍງ່າຍ, ເໝາະແກ່ຜູ້ປ່ວຍໂຣກຖົງນ້ຳດີ ທີ່ສາມາດດູດຊືມເຂົ້າໄປໃນຮ່າງກາຍໄດ້ດີ ແລະໄວ. ໂດຍສະເພາະຄົນທີ່ມີບັນຫາດ້ານລະບົບຍ່ອຍອາຫານ ຫຼືການດູດຊຶມອາຫານຂອງເດັກແລກເກີດ ແລະຜູ້ສູງອາຍຸ.
7. ມີວິຕາມິນເອ, ຕໍ່ຕ້ານອະນຸມູນອິດສະຫຼະ ທີ່ຊ່ວຍບຳລຸງຜິວພັນ ແລະເສັ້ນຜົມ
8. ບໍ່ມີກິ່ນສາບໃນການໃຊ້ປຸງແຕ່ງອາຫານ ແລະເຮັດໃຫ້ມີລົດຊາດແຊບອີກດ້ວຍ
9. ຊ່ວຍດູດຊືມວິຕາມິນ, ເກືອແຮ່, ກົດອະມິໂນທີ່ຈຳເປັນຕໍ່ຮ່າງກາຍ
10. ຮັກສາໂຣກປວດເມື່ອຍ, ຊະລໍການເສື່ອມສະພາບຂອງອາຍຸ
11. ປ້ອງກັນໂຣກມະເຮັງຜິວໜັງ
12. ຮັກສາອາການປວດກະດູກ
13. ແກ້ເຊື້ອຣາທີ່ຜິວໜັງ ແລະຮ່ອງເລັບ
14. ແກ້ພິດແມງໄມ້ກັດຕອດ ຫຼືເອັນພິກ
15. ໃຊ້ແທນຄຼີມກັນແດດ ແລະແກ້ຜິວໃໝ້ຈາກແສງແດດ
16. ໃຊ້ທາແລະລ້າງໃສ່ບາດແຜສົດ
17. ໃຊ້ຄວບຄູ່ກັບການໂກນໜວດ ແລະເຊັດລ້າງເຄື່ອງສຳອາງໄດ້ດີ
18. ໃຊ້ຮັກສາສົ້ນຕີນແຕກ.
ສິນຄ້າ: ນ້ຳມັນໝາກພ້າວສຳລັບອາຫານ
ປະລິມານ: 1 ລິດ
ລາຄາ: 169,000 ກີບ
Commenti